ღონისძიება - პროექტის რეფლექსია

ღონისძიება-პროექტის რეფლექსია

   მოსწავლეთა დაკვირვებამ და ჩემი პრაქტიკის ანალიზმა , მაჩვენა რომ დაწყებითი საფეხურის მე-5 კლასში  რუსული ენის გაკვეთილზე სერიოზული პრობლემა იყო მოსწავლეთა მოტივაციის დაქვეითება. გადავწყვიტე გამომეკვლია ამ პრობლემის გამომწვევი მიზეზები და მეძებნა მისი გადაჭრის გზები . პედაგოგიური პრაქტიკის კვლევის ფარგლებში  გამოვიყენე ფოკუსირებული დაკვირვება, ფოკუს ჯგუფი მშობლებთან და მოსწავლეებთან, ღია და დახურული ანკეტირება და სხვა  მეთოდები რის შედეგადაც  დავადგინე, რომ  მოსწავლეთა მოტივაციის დაქვეითების ერთ-ერთი  მიზეზი  მე-5 კლასში არის მშობელთა ჩართულობის დაქვეითება 1-4 კლასებთან შედარებით. პრობლემის  აღმოსაფხვრელად  შევეცადე ჩამეტარებინა მშობლებისა და ბავშვების ერთობლივი ღონისძიება-პროექტი ,,ბავშვები და მშობლები“. სადაც , მათი გუნდები შეეჯიბრებოდნენ  ერთმანეთს. ღონისძიება- პროექტის მიზანი იყო დამედგინა რამდენად იცნობს მშობელი შვილის შინაგან სამყაროს, მისი ინტერესების სფეროს, გატაცებებს, პრობლემებს, რამდენად ახლოს არის შვილის სასკოლო ცხოვრებასთან და პირიქით, რამდენად ახლოს არიან ბავშვები მშობლებთან. დამეინტერესებინა და მოტივაცია გამეზარდა მშობლებისთვის აქტიურად ჩართულიყვნენ შვილების სასწავლო პროცესებში, რათა ამით მოსწავლეთა მოტივაციის ხარისხი გამეზარდა. მოსწავლეთა გუნდი და მშობელთა გუნდი ცალ-ცალკე ემზადებოდნენ დასკვნითი ღონისძიებისთვის. სადაც განივითარებდნენ შემოქმედებით, თანამშრომლობის უნარებს, აიმაღლებდნენ მოტივაციას როგორც ბავშვები ისე მშობლები და მთთვის ნათელი იქნებოდა მშობელთა ჩართულობის როლი და მნიშვნელობა ბავშვების სასკოლო ცხოვრებაში, მოსწავლეთა მოტივაციის ასამაღლებლად.

ჩავატარე გამოკითხვები მშობლებთანაც და მოსწავლეებთანაც. ღია და დახურული ანკეტირება. მოსწავლეებმა აწარმოეს ,,ჩანაწერების რვეული .“

 გამოიკვეთა რომ მოსწავლეთა უმრავლესობის მშობლები 1-4 კლასებთან შედარებით ნაკლებად ერთვებიან შვილების სასკოლო ცხოვრებაში, რამაც გამოიწვია მოსწავლეთა მოტივაციის დონის დაქვეითება. მშობელთა გუნდის მონაწილეობით ღონისძიება-პროექტში გაიზარდა  მათი ინფორმირებულობის ხარისხი  მშობელთა  მონაწილეობის მნიშვნელობაზე შვილების სასწავლო პროცესებში. ასევე, მათ გადააფასეს საკუთარი შეხედულებები სასკოლო ჩართულობასთან დაკავშირებით. შედეგად მივიღეთ მშობლების აქტიურობა ,  რამაც გაზარდა მოსწავლეთა მოტივაცია . პროექტში ისევე როგორც კვლევაში მონაწილეობის სურვილი გამოთქვა და მის ყველა ეტაპზე მშობელთან ერთად აქტიურად მონაწილეობდა სსსმ მოსწავლე , რომელიც არის კლასში.

  მთელი პროექტ-ღონისძიების მომზადების პროცესი იყო ძალიან აქტიური, სახალისო და საინტერესო, უპირველეს ყოვლისა იმიტომ რომ მოსწავლეები და მშობლები ჩართულები იყვნენ მათთვის უჩვეულო და აქტივობაში. თვითონ გეგმავდნენ და  წარმართავდნენ  პროცესს( მასწავლებელთან ერთდ), მათ ერთმანეთისგან დამოუკიდებლად გასცეს პასუხები ერთსა და იმავე შეკითხვებზე რაც იძლეოდა იმის დიაგნოსტირების შესაძლებლობას თუ რამდენად იცნობენ მშობლები თავიანთ შვილებს და პირიქით. ამ შეკითხვებზე პასუხების გაჟღერების პროცესი დასკვნით ღონისძიებაზე განსაკუთრებულ ინტერესს აღძრავდა ორივე მონაწილე მხარეში და მაყურებელშიც, რომელიც ძალიან მრავალფეროვანი იყო რადგან, მოწვეული იყვნენ მასწავლებლები,  სხვა კლასების მშობლები და საზოგადოების წარმომადგენლები. დასკვნით ღონისძიებაზე ორივე გუნდმა წარმოადგინა წინასწარ მომზადებული ნომრები, რომელსაც აფასებდა სპეციალური ჟიური. მოსწავლეთა შესრულებული ნომრები იყო ძირითადად რუსულ თემატიკაზე რადგან, მოტივაციის ამაღლების პრობლემა სწორედ რუსული ენის გაკვეთილს ეხებოდა. ღონისძიება დასრულდა ფრედ. ორივე გუნდის გამარჯვებით, რაც იყო ასევე  ნიშანდობლივი ,რადგან, ამ პროცესებისგან სარგებელი მიიღო ორივე მხარემ . კერძოდ მშობლებმა გადააფასეს საკუთარი შეხედულებები და გახდნენ უფრო აქტიურები საკუთარი შვილების სასკოლო ცხოვრებაში, ხოლო ბავშვებს აუმაღლდათ მოტივაცია რაც მოხდა მშობელთა ჩართულობის გაზრდასთან ერთად.

     მაყურებელთა მხრიდან გამოითქვა ძალიან საინტერესო მოსაზრებები ღონისძიება-პროექტის შესახებ, მის მნიშვნელობაზე არა მარტო მე-5 კლასის მოსწავლეთათვის , არამედ ზოგადად ყველა კლასის მოსწავლეებისთვის. დასასრულს სიტყვით გამომსვლელმა პედაგოგებმა დააფიქსირეს რომ ისურვებდნენ სხვა კლასის მშობლებისგანაც მსგავს ჩართულობას და მსგავს პროექტ-ღონისძიებებს რომლებიც გაზრდიდა მოსწავლეთა მოტივაციას. რაც საბოლოო ჯამში ხელს უწყობს ესგ-თი დასახული მიზნის მიღწევას, ასწევს მოსწავლეთა აკადემიურობის  მაჩვენებელს.

  მიუხედავად იმისა რომ დასახულ მიზანს სრულად მივაღწიე, მშობელთა ჩართულობის გაზრდით მოსწავლეთა მოტივაციის დონემ აიწია რაც  საგაკვეთილო პროცესებში მათი აქტიურობის მნიშვნელოვანი წინაპირობა იყო ,მიმაჩნია რომ შესაძლებელი იყო უფრო მეტი საინტერესო აქტივობების დაგეგმვაც. ასევე, შესაძლებელი იყო უფრო მეტი ყურადღება გამემახვილებინა სსსმ მოსწავლისათვის და მისთვისაც დამეგეგმა განსაკუთრებული აქტივობები. რაც უფრო სრულყოფილს გახდიდა მთელს ამ პროცესს და მის შედეგსაც უფრო ეფექტურს გახდიდა.

  შევეცდები მომავალში მსგავსი ღონისძიებების დაგეგმვისას გავითვალისწინო მიღებული გამოცდილება და შედეგი უფრო მაღალ  ნიშნულზე ავიყვანო.

ეკა სახურია .

პრაქტიკის კვლევის ფარგლებში ჩატარებული ღონისძიება-პროექტი

პრაქტიკის კვლევის ფარგლებში ჩატარებული ღონისძიება-პროექტი

ღონისძიება- პროექტი:  ,,ბავშვები და მშობლები“  თემის ავტორი
სახელი და გვარი	ეკა სახურია
რაიონი	სამეგრელო-ზემო სვანეთი
სკოლა	ლესიჭინეს თემის N3 საჯარო სკოლა
ქალაქი	ჩხოროწყუ,  ლესიჭინე
სოციალური დონე/კლასი
მე-5  კლასი
თემის  მონახაზი
თემის  დასახელება - ,,ბავშვები და მშობლები“
პროექტ-ღონისძიების  აქტუალობის დასაბუთება
მე-5 კლასში დაფიქსირდა  პრობლემა მოსწავლეთა მოტივაციის დაქვეითება ,.მოსწავლეებმა სოციალურ ქსელში ნახეს  სტატუსი ,,ბავშვები და მშობლები“, რაც კლასში განხილვის თემა გახდა.          მოსწავლეთა მოტივირების გაუმჯობესებისათვის დაწყებითი საფეხურის მე-5 კლასში განსაკუთრებით მნიშვნელოვანია მშობელთა ჩართულობა შვილების სასკოლო ცხოვრებაში. მისი აქტუალობა განაპირობა მშობლების ნაკლებმა მონაწილეობამ შვილების სასკოლო საქმიანობაში.
პროექტის მიზანი
ქვეყნის ინტერესების, ტრადიციებისა და ღირებულებების მიმართ საკუთარი  პასუხისმგებლობის გააზრება. ·         სასკოლო  განათლებამ უნდა განუვითაროს მოზარდს მოტივაცია და უზრუნველყოს მისი მაღალი ჩართულობა საგაკვეთილო, პროცესში სასკოლო ცხოვრებაში. რათა მისცეს მას სასიკეთო გადაწყვეტილებათა მიღებისა და აქტიური მოქმედების შესაძლებლობა.-- ·         მოსწავლეს განუვითაროს პრობლემის არსში სწორად წვდომის, დამოუკიდებელი აზროვნებისა და  დამოუკიდებელი მსჯელობის, ჯგუფში მუშაობისა და ახალი პროდუქტის შექმნის უნარ-ჩვევები.
განხორციელების დროის ჩარჩო
01-05,- 01-06    2018   (30 სამუშაო დღე)
ამოცანები და განხორციელების გზები
პრობლემის სწორად გაგებისა და  გააზრების მიზნით ჩავატარებ შემდეგი სახის გამოკითხვებს: 1.თქვენი აზრით რამდენად მნიშვნელოვანია მშობლების როლი მოსწავლის მოტივაციის ამაღლებისთვის’? 2. რამდენად ერთვება თქვენი მშობელი თქვენს სასწავლო პროცესებში? 3. თქვენი აზრით რატომ იწვევს მოტივაციის გაზრდას მშობლის ჩართულობა შვილის სასწავლო პროცესებში? 4. როგორ შეიძლება გადაიჭრას პრობლემა ? მოსწავლეები და მშობლები ჩართვებიან  ერთობლივი ღონისძიების მომზადების პროცესში. ღონისძიება ითვალისწინებს,-  ორი ჯგუფი: ბავშვებისა და მშობლების გუნდები მუშაობენ თემაზე ,,გაიცანი  უკეთ“ მშობლების გუნდი მუშაობს ბავშვების გუნდისგან დამოუკიდებლად, ამზადებენ საინტერესო ნომრებს ღონისძიებაზე წარსადგენად. ასევე, მოსწავლეების გუნდი მუშაობს  ნომრებზე  ღონისძიებისთვის.   მასწავლებლის ჩართულობა,- უზრუნველყოს მონაწილე მხარეთა მაქსიმალური მშვიდი და ხელსაყრელი გარემო  მუშობისთვის. გუნდის წევრები მუშაობენ ანკეტის შევსებაზე ერთმანეთისგან დამოუკიდებლად, ( თითქმის ერთი და იგივე დატვირთვის შეკითხვები, მაგ.: რომელი საგანი გიყვარს ყველაზე მეტად (შეკითხვა ბავშვს) ,  რომელი საგანი უყვარს თქვენს შვილს (შეკითხვა მშობელს)  ისეა შედგენილი რომ ითვალისწინებს დიაგნოსტირებას რამდენად კარგად იცნობს მშობელი საკუთარ შვილის შინაგან სამყაროს, მისწრაფებებს და პრობლემებს და პირიქით რამდენად ახლოს არიან ბავშვები თავიანთ მშობლებთან)
hმოსალოდნელი შედეგი
მოსწავლეები და მშობლები გაიაზრებენ პრობლემის არსს, უკეთ ჩასწვდებიან ერთმანეთის  შინაგან სამყაროს. გაიაზრებენ რამდენად მნიშვნელოვანია მშობლის ჩართულობა შვილის სასკოლო და  ზოგადად ცხოვრების სხვადასხვა სფეროში.        მოსწავლეები განივითარებენ  ჯგუფური მუშაობის. თანამშრომლობით უნარებს, იმუშავებენ პროდუქტის შექმნაზე რაც წარმოდგენილი იქნება ღონისძიების სახით. აუმაღლდებათ მოტივაცია, და გაიზრდება მათი საგაკვეთილო პროცესებში ჩართულობის ხარისხი.
პროექტში მონაწილეთა გამოცდილება
დაწყებითი საფეხურის 1- 4 კლასებში მშობლები აქტიურად ჩართულები იყვნენ შვილების სასკოლო ცხოვრებაში.
აქტივობის შესაბამისობა მიზანთან
მოსწავლეებში ჩავატარე გამოკითხვები 1.თქვენი აზრით რამდენად მნიშვნელოვანია მშობლების როლი მოსწავლის მოტივაციის ამაღლებისთვის’? 2. რამდენად ერთვება თქვენი მშობელი თქვენს სასწავლო პროცესებში? 3. თქვენი აზრით რატომ იწვევს მოტივაციის გაზრდას მშობლის ჩართულობა შვილის სასწავლო პროცესებში? 4. როგორ შეიძლება გადაიჭრას პრობლემა ? პრობლემის გააზრებას უწყობს ხელს.
მონაწილეთა ჩართულობა იდეის განვითარებაში
მოსწავლეებმა გამოკითხვების საფუძველზე აწარმოეს ,,ჩანაწერების რვეული“. სადაც გამოიკვეთა რომ მოსწავლეთა უმრავლესობის სასკოლო ცხოვრებაში 1-4 კლასებთან შედარებით მშობელთა ჩართულობამ მე-5 კლასში საგრძნობლად იკლო რამაც ხელი შეუწყო მოსწავლეთა დემოტივაციას.
პროექტის განხორციელების რისკი და შესაძლო ხარვეზი
მშობელთა მხრიდან დროის დეფიციტი ღონისძიების მომზადების პერიოდში. რამაც შესაძლებელია გამოიწვიოს ჩართულობის ხარისხის დაწევა.
მონიტორინგი და შეფასება
მოსწავლეებმა ,,ჩანაწერების რვეული“  ერთმანეთს შეადარეს, რის საფუძველზეც  დაასკვნეს, რომ მშობელთა ჩართულობა რომელიც იყო მაღალი  წინა კლასებში გარკვეულწილად განაპირობებდა მოსწავლეთა მოტივაციის დონეს. მოსწავლეები და მშობლები ჯგუფური თანამშრომლობის  საფუძველზე მიღწეულ შედეგებს შეაფასებენ, ასევე განიხილავენ  საკუთარ  ნამუშევარს. ისაუბრებენ იმაზე, თუ კიდევ რისი  გაკეთება შეიძლება მიზნის მისაღწევად?

  

ე. სახურია.      

01-06-  2018 წ.

კვლევის დანართები

                         კვლევის დანართები

დანართები.

ფოკუს ჯგუფის კითხვები მოსწავლეებისათვის:

1.    რითი ხართ დაკავებული თავისუფალ დროს?

2.    რომელ თამაშებს ანიჭებთ უპირატესობას?

3.    როგორია თქვენი დამოკიდებულება სწავლისადმი?

4.    რომელი საგანი არის თქვენთვის ყველაზე მეტად საინტერესო?

5.    რა არის თქვენი ჰობი?

6.    რამდენად საინტერესოა თქვენთვის რუსული ენის შესწავლა?

7.    როგორი გაკვეთილი იქნებოდა თქვენთვის საინტერესო და სახალისო?

8.    რა თემები გაზრდის თქვენს მოტივაციას სწავლისადმი?

9.    როგორი აქტივობები იქნებოდა თქვენთვის სახალისო რუსული ენის შესწავლისას?

10.რა ტიპის აქტივობები გაზრდიდა თქვენს აქტიურობის მაჩვენებელს და მოტივაციას რუსული ენის გაკვეთილზე?

ფოკუს ჯგუფის კითხვები მშობლებისთვის:

1.     რამდენად მნიშვნელოვანია თქვენთვის თქვენი შვილის სასკოლო ცხოვრებაში მონაწილეობა?

2.     თქვენი აზრით რამდენად მნიშვნელოვანია მოსწავლის მოტივაცია შესასწავლი მასალის გაგებისა და გააზრებისთვის?

3.     რამდენ დროს ანდომებს თქვენი შვილი საშინაო დავალების შესრულებას?

4.     რა ტიპის სირთულეებს აწყდება თქვენი შვილი სწავლის დროს?

5.     რამდენ დროს უთმობთ შვილის სასწავლო პროცესებში მონაწილეობას?

6.     რომელი საგანი მოსწონს ყველაზე მეტად თქვენს შვილს და თქვენი აზრით რატომ?

7.     თქვენი აზრით, რამდენად გადამწყვეტი მნიშვნელობა ეკისრება მშობლის ჩართულობას შვილის სასწავლო პროცესებში, მის სწავლის მაჩვენებელზე?

8.     თქვენი აზრით, რამდენად მოტივირებულია თქვენი შვილი სწავლისადმი და რატომ?

9.     მოგმართავთ თუ არა შვილი სწავლაში პრობლემების დროს ან სხვა სასწავლო პროცესებში დასახმარებლად?

10.  თქვენი აზრით ,რამდენად წარმატებულია თქვენი შვილი სწავლაში და რა განაპირობებს ამას?

11.  თქვენი აზრით რა გაზრდიდა თქვენი შვილების მოტივაციის დონეს რუსული ენის გაკვეთილზე?

კითხვები მოსწავლეებისთვის:

1.     სწავლობთ თუ არა რუსულ ენას ხალისით?

         ● ხალისით ვსწავლობ, მეადვილება

          ● მიჭირს

          ● ნაკლებად მაინტერესებს

          ● შესასწავლ თემას გააჩნია

2. როდის იქნება თქვენთვის რუსული ენის გაკვეთილი საინტერესო?

რუსული ენის გაკვეთილი საინტერესო და სახალისო გახდება თუ მასწავლებელი ხშირად გამოიყენებს:

● ი. ს. ტ. ტექნოლოგიებს .

●  სიმულაციურ თამაშებს.

● გაკვეთილი ჩატარდება სიმღერის გამოყენებით.

3.     რამდენ დროს ანდომებთ საშინაო დავალების შესრულებას?

საშინაო დავალების შესრულებას ვანდომებ

● ნახევარ საათს

● 1 საათს,

● 2 საათს.

● ძალიან დიდ დროს

4.     საშინაო დავალების შესრულების ან სწავლაში პრობლემების დროს ვის მიმართავთ დასახმარებლად ?

● მასწავლებელს.

● მშობელს.

● თანაკლასელს ან სხვა ახლობელს

5.     ტესტები , რომლებიც სახელმძღვანელოშია მოცემული საინტერესოა და

● მომწონს.

● ჩემს ინტერესებს არ შეესაბამება.

● ნაწილობრივ შეესაბამება.

● უკეთესი იქნებოდა უფრო მრავალფეროვანი ყოფილიყო.

6.     ჯგუფური მუშაობის დროს

● ინტერესით ვერთვები და ვეხმარები თანატოლს:

● ნაწილობრივ ვეხმარები

● სხვა მეხმარება

● არც ერთი

7.     რამდენად გასაგებია თქვენთვის გრამატიკული კონსტრუქციები და ლექსიკა?

● გასაგებია ,საინტერესო და სახალისოა

● ხშირად გვხვდება რთული კონსტრუქციები  და გვიძნელდება

● ძალიან რთულია.

ჩაღრმავებული ინტერვიუს მეთოდით გაირკვა, რომ ის  მოსწავლეები რომლებსაც რუსულის სწავლა ეზარებათ, არ აქვთ მოტივაცია, არ სურთ დაძაბვა სწავლის დროს ჩამორჩნენ სასწავლო პროცესს, უჭირთ დაეწიონ და თანდათან მოტივაცია უფრო ეკარგებათ, აცნობიერებენ მდგომარეობას,

-კითხვაზე: ,, როგორი გაკვეთილი იქნებოდა თქვენთვის საინტერესო?“

 მოსწავლეებმა აღნიშნეს რომ მათთვის საინტერესო იქნებოდა ფილმების, მულტფილმების  ყურება და გარჩევა .

ეკა სახურიას პრაქტიკის კვლევა

დააჭირეთ აქ და დაათვალიერეთ ჩემი პრაქტიკის კვლევის ანგარიში

ჩემი პორტფოლიო

ჩემო პორტფოლიო https://drive.google.com/drive/folders/0B2kx9TuhK200N00wUkVjUWphcDg?usp=sharing

მერვე დღის რეფლექსია

 ვიმუშავეთ პრეზენტაციის შეფასებაზე,ძალიან მომეწონა ყველა განხილული საკითხი,რადგან იყო ძალზე აქტუალური და საინტერსო.

მეოთხე დღის რეფლექსია

ვიმუშავეთ ზოგადად თემატურ და განმავითარებელ საკითხებზე,გავარჩიეთ სავარჯიშო ბრეინგ შოფინგი,საკმაოდ საინტერესო იყო,გმადლობთ.